اخبار اسيوط 29 مارس 2011
أسيوط دوت كوم- محمد حسام
تلقت "أسيوط دوت كوم" بمزيد من الإهتمام رداً من لجنة زكاة مسجد الحى القيوم بمدينة الأربعين بأسيوط، على الشكوى السابق نشرها حول مخالفات مالية داخل اللجنة ..وننشرها إعمالاً لحق الرد.
اجابة على اسئلة الاستاذ الفاضل صاحب الشكوى واتمنى ان تكون نيته فعلا المعرفة وليس التشهير.
1. العمل فى لجنة الزكاة تطوعى والناس ماسكه فيها بأيداها وسنانها لان اجرها عن الله كبير ان شاء الله والناس بترحب بأى حد ممكن يشارك معاهم وخاصة فى رمضان.
2. اللجنة بها 280 اسرة مقيدين لديها تقدم لهم كسوة العيد والزى المدرسى ولحوم وايضا نقدية وكل شى مسجل فى ايصالات واوراق وكمان اللجنة دفعت مصاريف التأمين الصحى لعدد 300طالب مفى مدرسة زيد بن حارثة غير مصاريف الجامعة لبعض الطلبة الغير مقتدرة وكل شى بأيصلات استلام موقعة ومختومة كمان من الاشخاص الى مش بتعرف توقع,
3. بالنسبة لمعارض الملابس هذا يحدث فى كل لجان الزكاة على مستوى الجمهورية ويتم شراء ملابس اخرى مناسبة للاحتياج مثل الزى المدرسى وكمان تم كسوة 250 سيدة اخذت عباية مجانا من اللجنة فى القرى المجاورة.
4. من الذى طرد من المسجد لكى نتحقق من ذلك وخاصة انهم لهم راى ان المسيحى اذا دخل المسجد لا يطرد نرجوا التفاصيل ان وجد للتوضيح .
5. بالنسبة لغرفة تحفيظ القران الادارة الهندسية والشئون القانونية فى الاوقاف هى التى قررت مساحة المسجد وضمت الغرفة الى اللجنة وكل شى موثق باوراق.
6. لو نفسك تواجه اللجنة كما تتدعى اتصل بيا وانا ان شاء الله اضمن لك المواجهة تحدث بدون اى مشاكل وان شاء الله تتطمئن لانى هقولهم انك نيتك خير وانك خايف على اموال المسلمين وده مش هيزعلهم اطلاقا.
7. انا عرفت قصة شقة 2 عمارة 132 والامور كلها طبيعية وكمان انا هتكلم مع صاحبها عشان اتأكد اكثر.
8. على فكرة اللجنة كمان بتشارك فى جهاز البنات للزواج وكله مسجل فى الاوراق
الحمد لله ظهر الحق
ردحذفسوف اجاوب على كل كلامك
ردحذف1- كويس انك بتقول انا العمل فى اللجنه تطوعى واحنا زهقنا منكم عايزين تغيير واتركوا الفرصه لأناس غيركم تاخد اجر وثواب كفايه ياسيدى على كده
2- كويس خالص ان فى اوراق وكشوف علشان تثبت هل الناس دى من سكان حى الاربعين ولا من طهطا
3- يا اخى انت بتقول ملابس مستعمله وكله بيعمل كده طيب انا بسألك الناس اللى بتتبرع بالملابس دى بتبقى عارفه وهو مين اللى بيشترى الملابس المستعمله مش المحتاجين يعنى بتبيعها للمحتاج من اهالى الحى وتتبرع بملابس جديده للقرى المجاوره ارجو من اخوانى الرد عليه
4- اه تم طرد عم احمد جلال وكثير من قبلكم وعايز اقولكم سوف تحاسبون حساب عسير امام الله
5-بالنسبه لغرفة تحفيظ القرآن هى تابعه للمسجد وعلشان بتعرفوا ناس فى هندسة الاوقاف فبركتوا الموضوع دى مفتوحه على المسجد ومن زمان بقيت دلوقت تبع اللجنه واحنا عارفين من زمان ان صاحبة الارض انها اتبرعت بالارض للمسجد فقط وليس للجنة الزكاه
6- انا لست وحدى ولكن نحن رواد المسجد سنواجهكم بالقانون وكويس انك هتضمن لينا عدم اثارة المشاكل علما بأن احد اعضاء اللجنه معه مسدس مترخص من شغله وقام من قبل بتهديد الناس امام اللجنه صح
7- هقولك انا الشقه قصتها ايه صاحبها لما عرف ان هيتعمل فيها جمعية حج وعمره قال لكم الشقه ثمنها 55 الف جنيه وعلشان هيتعمل فيها عمل خيرى سوف ابيعها لكم ب 50 الف وبالفعل قام ببيعها باسم احدالاعضاء ولكن حدث غير ذلك فقام احد الاعضاء بزواج ابنه بها وبعد ذلك اخذها من العضو زميله وقام ببيعها الايام الماضيه ب 120 الف جنيه
8- دى حاجه حلوه خالص وكويس ان كل حاجه متسجله علشان نعرف هل انتم تبرعتم لابناء الحى ام اتبرعتم للمحتاجين فى المنيا
بناء على هذا الرد الواضح بالارقام انا هجمع توقيعات من المصلين رواد مسجد الحى القيوم للمطالبة بالتحقيق مع الشيخ وافالتة
ردحذفونححقق ليه مع الشيخ هو علشان الراجل دة كويس نحقق معاه اتقو الله بقى
ردحذفوبعدين اللجنة زعلانة ليه هو اللجنة اصلا ملهاش علاقه بالمسجد يبقى بلاش تتحكم فيه ولا تتصدق الناس للمسجد وتروح الاموال للجنة الزكاة
وحتى الناس بتوع لجنة الزكاة بيتحكمو فى الجامع كأنه بتاعهم او هم اللى بنيينه
يبقى ابعادهم عن الجامع احسن من ان احنا نخليهم متحكمين فيه (دة جامع ربنا يا جماعة)
وبعدين انا عن نفسى وعن تجربة مشفتش حد محترم كان امام للجامع زى الشيخ مصطفى اللى انتو عايزين تحققو معاة ولا علشان هو وقف فى وش لجنة الزكاة عايزين تشيلوه
وكمان الراجل ملتزم بالجامع من اول ما مسكة امام
وبصراحة وعن تجربه الراجل دة محترم جدا جدا
يا سيدى افهم مش عايز تفهم ليه الناس بالاجماع رجال ونساء مش عايزين اللجنة امشو بقى ... حسنى مبارك... مشى
ردحذفروادالمسجد يريدوا اسقاط اللجنة
روادالمسجد يريدوا اسقاط اللجنة
روادالمسجد يريدوا اسقاط اللجنة
هنقولها باعلى صوت ارحلو ..ارحلو..ارحلو ..ارحلو.
ولا انتو نسيتو اللى حصل معاكم من مسجد الصحابة
اتقو الله ..اتقو الله ..فى اولادكم واحفادكم
الدنيا اتقلبت نحقق مع الشيخ الحافظ لكتاب الله
هتجمع توقيعات من مين ...........................
انا اقولك من المنافقين
حسبى الله ونعم الوكيل
ماانت ياشيخ مصطفى كنت حتموت على الشقه علشان تشتريه من صاحبهاوانت كنت عرف قصده وانت الاوصلت لصحابها هذه السعر اتنكر هذه بالله عليك لانهافى هذة الوقت كان هذة ماتستحقه من ثمن وانت على علم جيد بقصه الشقه فانتامادام عرف فانت مشارك ايضا ولاعلشان انت مااخدهاش وعلى فكره ان اعرف ان الاكان فى الشقه مرتح جدا ماديالان لديه اكثر من مشروع ووظيفه محترمه جداوكل الناس تعلم ذلك وانا زورته قبل ذلك فى عمله.
ردحذفيا عم اكتب بلغة يفهمها البشر انا مش فاهم نص كلامك وبفكه بالشفرة بالله عليك ارحمنا
ردحذفعلى فكرةانت عاوز ضبط فى أسماء الإشارة
ردحذف(هذا)للمذكر
(هذه)للمؤنث
ابقى ذاكر كويس عشان تعرف تكتب ياعسل.
وبعدين هو علشان صاحب الشقة مرتاح ماديا يبقى انتو كده زى الفل؟ ال120 ألف جنيه هتشهد عليكم يوم القيامة.
ولا أنا نسيت صح انى انتوا ماعندكم دم ولااحساس بالذنب
حزبي اللة ونعم الوكيل في كل من يشوة صورة الجنة
ردحذف