اخبار اسيوط 22 يناير 2012
اسيوط دوت كوم - المحرر
يهوي عدد من سكان محافظة اسيوط كغيرهم فى محافظات اخري فكرة "السلطة الوهمية"، وهي سلطة تشترى بعدة جنيهات،ويساعد فى تضخم الإحساس بها "صهينة " ضباط منوط بهم تنفيذ القانون.
ولكي لا يكتنف الغموض حديثنا، نشاهد مثل غيرنا عشرات السيارات تجوب شوارعنا تحمل "بادجات" الشرطة والنيابة والقضاء ،وقد يلجأ بعض محبي السلطة الوهمية، الى فكرة التلاعب بأرقام اللوحات المعدنية بجعل رقم 1 على انه 9 وغير ذلك ، ما قد يسبب كوارث لأخرين إلتزموا بالقانون ليخرقه أخرون بأسمهم.
الظاهرة كارثية فقد يصاب مواطن جراء حادث سيارة ويتهم فيها اخر،وقد تحرر مئات المخالفات لمواطنين لا شأن لهم بمستهتر ركب سيارة وتلاعب فى ارقامها، ما قد يخيل علي بعض ضباط الشرطة قليلي الخبرة ليتركوا المزور يسير الى حال سبيله.
الأمر يحتاج الى وقفه، وتفعيل القانون والذى يجرم تلك الأفعال ، فالبعض ينزل من سيارته ليقول لك "انت مش عارف انا مين" ويتضح فى النهاية انه "سواق بنت اخت سيادة المستشار ، او ابن عم رئيس مباحث مركز تمنوها ، أو اخو حسن بيه فجل مدير نيابة كفر الشمع"، معتقدا ان البادج والذى لا تزيد قيمته عن 3 جنيهات سيحميه اذا ما طبق القانون بالفعل.
نداء نوجهه للعميد عادل زكي مدير مرور أسيوط بتشديد الرقابة على جميع السيارات ذات الزجاج الفاميه، وتلك التى تحمل نسر او صقر او حتي كلب ،والاخري التى يضع اصحابها شارة النيابة او القضاء او الشرطة، فالسلطة لا تشتري بجنيهات ، ولكنها تحترم عندما تستخدم فى موضعها الصحيح.
الله ينور يا اخ محمود الجندى والله تسلم ايدك ويسلم قلمك الحر 0000 ويا رب دايمن كده ولك الف مليون شكر نيابة عن كل شعب اسيوط اخوك وربنا يكتر من امثالك يا رب وعقبال كده موضوع الاهمال فى مستشفى الجامعه وكذلك اقسام الشرطه خاصة قسم ثانى اسيوط الذى ما زال على سابق عهده القديم واكتر خاصة وحدة المباحث ومعالى الساده اصحاب الفخامه والسمو مخبرين وامناء وصولات المباحث اللى بقم من اصحاب العمارات والسيارات الفاره من كتر الرشاوى والرواتب التى تدفع شهريا نظير تغاضيهم عن ذكر اسماؤهم فى الحملات او تبليغهم باى حمله للاسراع بالهروب من اماكنهم والله روح واتفرج بنفسك ملك تانى جوه وحدة المباحث وزى معرفتك نص سكان منطقة الحمراء اللى جنب القسم بامتار عليهم احكام وفيها العديد من البلطجيه خاصة منطقة نزلة الحمراء ما اكثر البلطجه فيها ومحدش قادر يعمل اى حاجه لانهم مظبطين مخبرين وكل صولات مباحث قسم ثانى 00 الناس كفرت يا اخ محمود ونتمنى مساعدتنا على عرض هذه الشكوى للسيد مفتش الداخليه او الوزير وعموما احنا برده فى طريقنا لارسال العشرات من الشكاوى للوزاره ولجهاز التفتيش بوزارة الداخليه والسيد مفتش الداخليه باسيوط000 وربنا يصلح حالهم 000
ردحذفالف شكر يا استاذ محمود ويا رب نقدر بمساعده حضرتك نوقف الاستهتار بحياة الناس 000 ونتمنى مناشدة السيد مفتش الداخليه باسيوط او الاداره العامه للتفتيش بوزارة الداخليه لان الوضع بقى لايستحيل السكوت عليه 000 والكل بيشوف بعنيه 000 يعنى مثلا لو نزلت الصبح امام مجمع المحاكم بتاع اسيوط وامام المحكمه نفسها فى شارع كورنيش النيل هتلاقى كل السيارات الملاكى اللى واقفه ارقامها مطموسه وعليها بادجات قضاء ونيابه وزجاج مظلل تماما 000وطبعا المحكمه بجوار استراحة السيد المحافظ ومعالى مدير الامن وكل الرتب وكلهم بيعدوه من هذا الطريق العديد من المرات يوميا وبيشوفه بعنيهم هذه السيارات وللاسف الصمت هو سيد الموقف ليه مش عارف مع انى هذه السيارات معظمها لساده وكلاء النيابه اللى المفترض اصلا رجال قانون 000 فمعلش كنا عاوزين نعرف هل فعلا اعضاء النيابه والقضاء ليهم صلاحيات فى القانون تعطيهم فرصة عمل اى شى فى لوحة الارقام وتعليق بادجات تخفى نصف ارقام السياره وتظليلها كامله 00 هل احد فوق القانون 00حد يعرفنا بس ليهم صلاحيه بكده ولا ده تجاوز من المفترض محاسبتهم عليه زى افراض الشعب على اعتبار انه لا احد فوق القانون 000 احنا فعلا بدانا انا ومجموعه من الاصدقاء تصوير هذه السيارات كل يوم امام مجمع المحاكم بتاع اسيوط لعرضها على جميع المواقع وخاصة السيد وزير العدل والسيد وزير الداخليه للوقوف على الوضع اللى كل مسئولى محافظة اسيوط جميعا بيشفوه يوميا اكتر من مره ومحدش بيفتح بقه ليه مش عارف هما وكلاء النيابه ورجال القضاء فوق القانون ولا ايه حد يعؤفنا بس عشان نرتاح000 ليه معالى المحافظ وهو معدى كل يوم وكمان معالى مدير الامن يوميا رايح جاى وشايف بعنيه مش بينزل يحاسب ويشوف ايه العربيات دى اللى مخترقه كل القوانين قدام الكل وبتسبب خطر دائم لان التلاعب فى الارقام بيدفع تمنه ناس ابرياء فى حالة وقوى حوادث 0000 نظره يا معالى معالى مدير الامن وحضرتك ذاهب للمدريه وكذلك كل مسئول 00 امال يبقى الثوره عملت ايه 000 للاسف معظم الاوضاع بقيت زى الاول واكتر كمان 000 القانون مش فوق الجميع وهذا الدليل قدام مجمع محاكم اسيوط وقدام كل المسئولين اللى صامتين تماما 00 لانها سيارات ملك اعضاء النيابه والشرطه والقضاء يبقى فين القانون للاسف لازم ثوره تانى لان الثوره واضح لسه موصلتش محافظة اسيوط ولا عزاء للغلابه 000
ردحذفوالله انت تمشي في شوارع أسيوط وتشوف البادجات اللي على السيارات تحس إن البلد كلها لوىءات و قضاة وانت الوحيد اللي من عامة الشعب ههههههههههههه
ردحذففعلا والله اخ عزت احنا بس ولاد البطه السوده كل العربيات بقيت مظلله وعليها بادجات شرطه ونيابه ونص الارقام بتاعت اللوحات المعدنيه مطموسه نهائيا ولسه يا ما نشوف يا اخ عزت 000 بس مش هنسكت والله احنا بدانا حمله مع مجموعة شباب اى سياره نشوفها مظلله او مطموسة الارقام هنصورها وهنجمع اكبر قدر نتمنى تشاركنا وتطرح الفكره بين زملائك لان لازم الكل يشارك فى قف الفساد بقدر المستطاع بس المهم تصور اللوحات المعدنيه اولا وبعدين شكل السياره علشان لما نبلغ ونعرضها يعرفه يوصللها فى جهاز اسمه الاداره العامه للتفتيش بوزارة الداخليه فى القاهره هنبعت ليه كل الصور دى وهو بازن الله هيتصرف نتمنى من الله تبلغ اكبر قدر ممكن من الناس يبعتم كل الشكاوى عليه او اى تقصير او اى مشاكل مع اى ظابط شرطه لهذا الجهاز صدقنى مش هتعدى وبس جرب واى تقصير ولا محاولات تعدى من اى ظابط بلغ الجهاز ده يدوبك اكتب جواب واكتب عليه اسمك ورقم موبيلك وعنوانك الى وزارة الداخليه - الاداره العامه للتفتيش -يصل للسيد اللواء مدير الاداره العامه للتفتيش بوزارة الداخليه وجرب كله جواب تمنه 2 جنيه فى البريد
ردحذفيا راجل اكتب اسمك انت الاول
ردحذف