الجمعة، 1 أبريل، 2011

مدارس المستقبل الخاصة بأسيوط "سجن"..وأولياء الأمور يعبرون عن غضبهم من سوء المعاملة "الحلقة الثانية"

اخبار اسيوط 1 أبريل 2011

أسيوط دوت كوم-محمد حسام

تحدد قوانين السجون موعداً موحداً لزيارة أسر السجناء لزويهم ، لكن تلك المواعيد ليست جامدة، ولكنها تتسم بالمرونة ،

فهناك زيارات إستثنائية تتم لظروف مرضية او عائلية، بالإضافة إلى حدوثها بشكل إسبوعي..كما ان العلاقة بين السجان واهل النزيل علاقة ود ، هذا على مستوى السجون والمذنبين..

لكن هناك سجن اخر،إن جاز التعبير، قوانينة أكثر صرامة على غير المعتاد، فمدارس المستقبل الخاصة بمدينة أسيوط ،تحولت لسجن للطلاب ، كما ان علاقتها طردية مع اولياء امور الطلاب..


المدرسة تتعامل بطريقة غير لائقة مع اولياء الامور كما انها لا تسمح لهم بزيارة أبناءهم أو رؤيتهم داخل المدرسة،والإطمئنان عليهم.

وهو ما يثير غضب الأهالى، فلماذا تمنعهم المدرسة من الدخول إلى الفصول الإ إذا كان هناك ما تخشي المدرسة من إفتضاحة..

ليس هذا فقط بل أن أوامر المدرسة أيات منزله من السماء، ليس لأحد من اولياء الامور التحدث فيها، فقد رفعت المدرسة الرسوم الدراسية للترم الثاني من 600 جنية الى 722 جنية، بعد ثورة يناير ،رغم توقف الدراسة وحتى بدايات شهر مارس..وعندما تساءل الأهالى عن سبب تلك الزيادة قالوا لهم بأنها تعليمات مديرية التربية والتعليم، رغم ان مديرية التربية والتعليم لا تملك أى سلطة على تلك المدارس.

على الجانب الأخر خصمت الإدارة من المدرسين مبالغ ماليه مقابل أيام الثورة، والتى لم يعملوا فيها رغم ان ذلك خارج عن إرادتهم.

المعلومات التى بين أيدينا نضعها امامكم، أملاً فى ان ينصلح الحال، وإنتظرونا فى حلقة جديدة عن مناقصات الزى.

49 التعليقات:

غير معرف يقول...

وازيدك من الشعر بيت مدرسة المستقبل اللى المفروض انها المسوؤلة الاولى والاخيرة عن تكملة استمارات الثانوية العامة لطلابها لاتكمل الاوراق والاستمارات كما ينبغى مما يعرض مصلحة الطلاب للخطر من رسوب او عدم تقدم للاختبار وتخيل مصيبة زى دى لو حصلت لولى امر وطالب واسرة بتتكلف دروس خصوصية من شهر اغسطس السنة اللى فاتت غير التوتر والضغط العصبى وربنا يلطف

غير معرف يقول...

علي فكرة المدرسة جمييييييييييييييييييييييلة جداااا

غير معرف يقول...

علي فكره المدرسه ممتازة جدا جدا جدا و انا فيها و المكان جميل جدا

غير معرف يقول...

انامدرسة بالمدرسة هذه المدرسة والله حرامية حرامية بناخد كم 350 جنية مقابل بنشتغل من 8 ص الي 3 مساءا وبيكلوا علينا مكافات التصحيح والكنترول حسبي الله ونعم الوكيل فيك يا مدير المدرسة اللي معين بنته وبتاخد اجازات برحتها و....................الخ

غير معرف يقول...

نداء عاجل يارئيس التحرير هل مدرسة المستقبل باسيوط هتبطق قرار الوزارة بتطبيق الحد الادني للاجور 700 جنية تعالوا قبلوني هذه المدرسة لابد من لجنة تفتيش اليها لما فيها اهدار لحقوق المدرسين والمدرسات هل يعقل ان مدرس ياخد 350ج والمدرسة بتاخد مصاريف طفل وليس مرحلة اعدادية او ثانوية 3000 جنية اين التكافؤ ؟؟؟؟ ارجو من اسيوط دوت كوم تفجير هذه القضيةوتفعيل تحركات ضد هذه المدرسة لاعادة حقوق هؤلاء الغلابامن المدرسين والمدرسات ( الموضوع هام جدا جدا )

غير معرف يقول...

المدرسة دي خسارة فيها الك

غير معرف يقول...

المدرسة فعلا بكل ما تحمل الكلمة من معنى زبالة عشان مرتين مرة ولد معفن في إعدادي يضرب مدرس وميتعملوش حاجة ومرة واحد تاني يضرب مدرسة وميتعملوش حاجة ويرجع يطلع لسانه للمدرسة ولما ولد يقول لمدرسة انتوا بتشتغلوا هنا بفلوسنا ده غير حاجات تانية كتيييييير ولما يجتمعوا بينا يهزقونا ويقولوا المدرسات اللي بيلبسوا محزق واللي بيتكلموا في الموبايلات ويعاملونا ولا الأطفال ممنوع الكعب او الميك اب ويجيبوا العيل والمدرس في وش بعض ويكلموهم المشكلة بس مش في الإدارة هي في أصحاب المدرسة عشان كده عمرها ما هتتعدل الناس الفلوس عمت قلوبهم الواحد بيسمع عن حاجات بتتعمل في مدرسين ربنا ينتقم منهم

غير معرف يقول...

اه هو ده المدرسه حلوه جدا جدا جدا والي مش عجباه المدرسه بيراحتوا بس ما يكتابيش كدا عليها او ميروحهاش اصلان حاجه غريبه اه التاليف ده المدرسه حلوه وكويسه اويييييييييي

ولي امر مأهور يقول...

احب الفت نظر الناس الليمعجبة بالمدرسة لحاجة مهمه ان المدرسة دي اللي عجباهم لانهم معتبرينها النادي اللي بسيبو عيالهم فيه انا بقا واحدة طالع عينها مع اولادها اللي المفروض اني بوديهم المدرسة يتعلمو ولما بتكلم مع المدير والست الناظرة اللي مش عارفة مين اللي جايهم في المناصب دي مش عارفة ليه بحس اني بكلم نفسيوقبل ما اتكلم عن المشكلة يتقالي الاسبوع اللي جاي هتيجي تلاقي كل شيء تمامعلي نمط "فوت علينا بكرة يا سيد عموما انا خلاص قررت اخد عيالي من المدرسة قصدي النادي ده لمدرسة نضيفة يتعلمو فيها واسبهالهم مخضرة وحسبنا الله ونعم الوكيل في اللي بيحصل في دي مدرسة

غير معرف يقول...

طبعا صاحب المدرسة وهو الدكتور شلبي بتاع المسالك اللي بيعمل العملية الواحدة في المستشفي بتاعته بالشئ الفلاني و كمان إيه لو العملية هتدخل في مرحلة واحدة يخليها علي مرتين وطظ في المريض وطبعا كل شئ علي حساب المريض ده غير السفح اللي كان بيسفحه وهو نائب رئيس جامعة والله العظيم الثورة لسه ما اكتملتش علشان لو اكتملت كان الكلاب دول كلهم اتحاكموا واخدو جزاؤهم ولكن إنتقام ربنا قريب جدا

غير معرف يقول...

حسبي الله ونعم الوكيل في شلبي والمدير رمضان والست نادية الناطرة قصدي اللي عاملة نفسها ناظرة

ام خايفة علي اولادها يقول...

يا جماعة باقي ايام وتفتح المدرسةوطبعا احنا اولياء امور طلبة مدرسة فيوتشرقاعدين نتفرج علي اللي هيحصل لاولادنا لان طبعا في مدرسين كتير ماشيين لو سمحتوا اتحركوا واطلبو اجتماع عاجل مع ادارة المدرسة كفانا مهزلة الامتحانات ىالترم الاول وحسبي اللهونعم الوكيل في ادارة المدرسة اللي بتمشي حالها علشان يفضلو قاعدين ما يغيروهمش

غير معرف يقول...

مدرسة لا يوجد بها تعصب مثل باقى المدارس القائمة على نظام معين بغض النظر عن سلباتها نجد أن الله يكرم من فيها ومن يخرج منها يكرمه الله أيضا سررررررا يكمن فى قرآن يتلى فى الصباح تنشئة دينية لا نجدها فى أى مدرسة أخرى سبحان الله الأوائل فى الشهادات فى مدرسة عمررررررررها 6 سنوات فقط وعلى مقربة منها مدارس عريقة فى نفس قطاعنا ولا يوجد أوائل عندهم اللهم اصلح حااااااااااااااااال مدرستنا يارب

ام خايفة علي اولادها يقول...

احب الفت نظر السيد الفاضل الذي يشكر في المدرسة ان الاوائل اللي بيطلعو من المدرسة لا لانها بها اهتمام بالعملية التعليمية ولكن لان اولياء الامور جايبين مدرسيين خصوصين في كل المواد لان المدرسة في الغالب بتاخد السنة كلها في تغيير المدرسيين كل شوية مدرسة اعتذرت او مدرس مشي ونتيجة لذلك الطالب مشتت

غير معرف يقول...

المدرسه دي مفهاش احترام للمدرسين ولا اولياء الامور دي مجرد شركه نصب مش اكتر كمان مدير المدارس اللي اسمه رمضان ده انسان في منتها الحقاره وقلت الادب

ام ماهورة يقول...

كل سنة وانتم طيبين الترم التاني بدا وطبعا مدرستنا الجميلة المستقبل بدات اول يوم منتهي الانضباط كل المدرسيين دخلو الفصول وبعد كده رجعت ريمة لعادتها القديمة المدرسيين اسفة المدرسات امثال بنت سيادة المدير يجوا يوم ويغيبو باقي الاسبوع والله انا كل ما اصلي اتحسبن في دي مدرسةوالمدرس اللي ساب المدرسة بمزاجهم فصول يجيبوا مكانه في نفس اليوم مدرس وفصول ذي فصل بنتي كده مدرس الفرنساوي موجود في المدرسة وبيدي كل الفصول الا فصلنا والمصيبة انه خلص درسيين مع باقي الفصول ويدخلهم احتياطي اشي خيال يا نااااااااااااااس والله الواحد هيتجنن حسبنا الله ونعم الوكيل وربنا ينتقم من دي ادارة.

غير معرف يقول...

انا مدرسه ف ه\ه المدرسه وحسبنا الله ونعم الوكيل ف الاداره كلهااااااااااااا وخصوصا رمضان

غير معرف يقول...

انا كنت مدرسة فى المدرسة الزفت دى بس سبتها عشان المرتب زبالة وكمان الادارة ازبل حسبى الله ونعم الوكيل

غير معرف يقول...

حسبى الله ونعم الوكيل فى الناظرة والمدير يارب يولعوا مدير ملوش كلمة

غير معرف يقول...

على فكرة المدرسة ظالمة وبنت صاحب المدرسة نادين اشرف دى كل المدرسين بيعاملولها كأنها بنت الملك واحنا عيال كلب وبيظلمونا و ينصروها دائما

غير معرف يقول...

المدرسة جميلة موووووووووووووت على فكرة

غير معرف يقول...

انا بحب المدرسة دية

غير معرف يقول...

كل مدرسين المدرسة دية معندهمش اى خبرة خالص بكبيرهم يدوا اولى أبتدائى والمدرسين الى بيدوا العيال الى فى أبتدائى بيدوا ثانوى كمان طب دة ينفع حرام على التلامذة

غير معرف يقول...

مين قال أن المدرسة منظبطة دى سايبة على أخرها

غير معرف يقول...

شلبى باشا فاتح المدرسة عشان عيالة ولا عشان مين حفيدتة همس مدلعة اخر دلع كل المدرسة تحت امرها

غير معرف يقول...

عيب عليكم الكلام الى بتفلوة دة المدرسة جميلة والنظام حلو ومفيش تحيز لا للحد ولا لغيرة وانا بحب المدرسة دية مووووووووووووووووت

غير معرف يقول...

المدرسة حلوة وجميلة وانا بحبها والى يقول حاجة غير كدة يوبا كداب

غير معرف يقول...

انا نفسى اعرف المدرسة تعمل اية عشان تردى التلاميذ لما يشدوا ويلتزموا يقولوا اية المدرسة الخنقة دية ولما يخففوا على التلاميذ وما يشددوش يقولوا دى مدرسة سايبة ومفهاش نظام الادارة تعمل اية عشان تردى الناس

غير معرف يقول...

محافظة اسيوط كانت محتاجة المدرسة دية وبالفعل نجحت المدرسة نجاحا باهرا وعدد الطلبة يزداد كل عام

غير معرف يقول...

المدرسه دى كويسه جدااا والمدرسين اللى فيها ممتازين وكلهم متخرجين بتقديرات عاليه جدااا وهما خساره ف المدرسه . الوحش اللى ف الامدرسه دى هى الاداره من اولها لاخرهااا لان انا معرفش الناس دى جايييين منيين لا ليهم ف اداره ولا تربيه خااالص تحس كده ان المدير معلم فاكهه والناظره دى ست صوتها عااالى جدااا ومش بتحترم حد ومنااافقه مووووت امام اولياء الامووور عشان ترضيهم ف المدرسه دى هتتحسن لو الاداره اتغيرت لان المدرسين هيشتغلوا بضمير ومش هيلاقو حد يقل ادبه عليهم لان المدير والناظره مش بيقدروا تعبهم حتى ولو بكلمه شكر بالعكس بنلاقى معامله زفت مقابل الجهد ده وكمااان المرتب اللى هو 300 جنيه محسسينا انو ده هو اللى فاتح بيوتنا ويزلوا المدرسين ويقولولهم اسمكم بالقلم الرصاص ف لسته طويله عريضه بالرغم من ان بنت رمضان مدير المدرسه لا بتحضر و لا بيشوفها حد يا اما غايبه يا اما مع بنتها ف الحضانه يعنى بالمختصر معتبرها الفسحه والنادى وعزبه ابوهااا و ف النهايه احب اقققول حسبى الله ونعم الوكيل ف كل ظاااالم

غير معرف يقول...

المدرسة دى زى الزفت ربنا يولع فيهم

غير معرف يقول...

انا ولى امر ثلاث طلاب بالمدرسة مستوى التعليم بالمدرسة كويس والمدرسين كانوا كويسين قبل الثورة ولكن بعد الثورة وتعيين المدرسين فى المدارس الحكومية اصبح مستوى بعض وليس كل المدرسين متواضع لعدم الخبرة واعلم جيدا تدنى مرتبات المدرسين التى تبلغ 300جنيه فقط لا غير لا تكفى المواصلات مع العلم ان المصاريف زادت وفى 2011-2012 مصاريف الابن الواحد فى المرحلة الابتدائى 3000 جنيه الى جانب 500 جنيه مصاريف الكتب ولا اقولك مصاريف الملابس وغيره بصراحةالمصاريف كثيرة جدا ولكن انا نفسى اعلم اولادى كويس ومفيش رحمة من المسئولين عن المدرسة رحمتك يا رب

غير معرف يقول...

انا كنت مدرسة فى المدرسة المقرفة دى بس سبتها عشان بحس اني بشتغل ع الفاضي اخص عليها دي مدرسة

غير معرف يقول...

اول مرة اشوف مدرسة بتاخد طلاب مش حاصلين على مجموع ثانوية عامة فى الاعدادية ويدفعوا ويدخلوا بالزمة دة عدل حسبنا الله ونعم الوكيل

غير معرف يقول...

حرام عليكو يالى بتقولو انها مدرسة كويسة انا بشتغل فى الحضانة وبقول والله دى وكالة من غير بواب وكفاية عالينا ست نهلة الى مكسورة عينها من اولياء الامور

غير معرف يقول...

مدرسه المستقبل اعفن مدرسه على مستوى المدارس الخاصه بجمهوريه مصر

مريم يقول...

انا تلميذة بالصف السادس البتداني السنة الماضية دخل علينامستر مسيحي قعد علي كتاب الدين ولما قلناله رماه علي الارض

ياسين ويوسف يقول...

لا طبعا المدرسة ممتازة جدا وكل اناس في منتهي الزوق معانا وكفاية انها مدرسة مسلمة فاسيوط بيودو عيالنا الجامع وبيعلموهم الصلاة

غير معرف يقول...

المشكلة ان رئيس مجلس الادارة وابن اخوه اشرف شلبي بيتدخلو او بمعني اصح بيحشرو نفسهم في العلملية النعليمية وبقي الموضوع بيزنس بس
وبدال ما المدرسة مؤسسة تعليمية بقت نيلة
وحاليا المدرسة تتبع وزارة الدلع وقلة الادب بدلا من زوارة التربية والتعليم

غير معرف يقول...

على فكرة المدرسة حلوه جدا بس الاداره بايظة شويه هو احنا مش بنشوف ميس نادية ومستر رمضان لانهم في المبنى التاني بس مستر محمد الشريف ده كويس جدا ومستر جمال لكن المدرسين بصراحه اغلبهم مش حافظين ولا فاهمين

غير معرف يقول...

انا في المدرسة انا طالب في الاعدادية احنا ضربنا المدير والمشرفين ومفيش مدرس لية كرامة وبيمصوا دمنا في المصاريف مقابل الهرجلة وكل الفلوس بتروح لجيب ش واكبر مدرس عندة 25 سنة وفي مدرسين لسة متخؤجوش وبيحبوا بعض ويتمنظروا ادا المدرسات
يمسك العيل يضربة يقوم العيل لسعة قلم امريكاني ويتقل ادام.....

ولى امر طالب يقول...

دى مدرسة زبالة زغير ادمية والدكتورة سامية عطوة مرات صاحب المدرسة الدكتور شلبى مش عاملين مدرسة تعليمية دول عاملين نادى ترفيهى للطلبة وكمان مفيش علم نهائى ولا احترام للمدرسين ولا اولياء الامور كل المهم بالنسبة ليهم جمع الفلوس من اولياء الاموروكمان بقلة زوق وكل ترم تزيد المصاريف مش كل سنة وكمان مدرسة فاشلة وحسبى الله ونعم الوكيل فيك يا شلبى انت ومراتك واخوك وكل من ساهم فى فشل اولادنا وللاسف مفيش مدارس بتقبل اولادنا لما يعرفو انهم من مدارس المستقبل سمعتنا بقت زيالة منكم لله

غير معرف يقول...

محدش اتكلم علي مشرفات الباص لانهم مش واخدين حقهم اولا الزي اللي الدكتورة ساميه عطوة طلبتة من المشرفات علي اساس انها هتدفع الثمن و مدفعتش ومستر عاطف اللي بيقلل من كرمتنا مع اننا بماهلات عاليا انا عن نفسى واخدة هندسة وبنشتغل مشرفات باص ومشرفات ادوار وبناخد الغياب واشراف في البريك كلة دة ب305 جنية

غير معرف يقول...

مدرستى جميلة

غير معرف يقول...

المدرسة جميلة جدا بس احنا اتعودنا على الانتقاد

غير معرف يقول...

محدش اتكلم علي مشرفات الباص لانهم مش واخدين حقهم اولا الزي اللي الدكتورة ساميه عطوة طلبتة من المشرفات علي اساس انها هتدفع الثمن و مدفعتش ومستر عاطف اللي بيقلل من كرمتنا مع اننا بماهلات عاليا انا عن نفسى واخدة هندسة وبنشتغل مشرفات باص ومشرفات ادوار وبناخد الغياب واشراف في البريك كلة دة ب305 جنية والمهم بعد كل دا عاملين نفسهم اصحاب مبدأ وبيتكلموا عن العدالة الاجتماعية

غير معرف يقول...

انا شايف انها مدرسة عادية جدا من حيث المستوى التعليمى

غير معرف يقول...

دى مدرسه سيئه والمدرسين اللى فيها محترميييييييييييييييين جداااا بس مظلومين بيصوروا ورق على حسابهم و كل يوم خصومااااااااااااااات ليهم ومرتب قليل فعلااااااا حسبنا الله زنعم الوكيل ف رمضان المدير لو اتشال من المدرسه المدرسه هتنضف

غير معرف يقول...

انا اختي في الصف الرابع واتاخرت عن دفع المصروفات المدرسية فقام الكلب رمضان والكلبة نادية من منعها دخول امتحان اخر العام دول شوية كلاب

إرسال تعليق

تنبية هام:تشكر “أسيوط دوت كوم” تفاعل جمهورها الكريم مع خدمة التعليقات، وترجوهم عدم إضافة أي تعليق يمس أو يسيء للأديان والمقدسات، أو يحمل تجريحًا أو سبًا يخدش الحياء والذوق العام للأشخاص والمؤسسات.. وستضطر الإدارة آسفةً لحذف أي تعليق يخالف هذه الضوابط.وإدارة الموقع غير مسئولة عن التعليقات المنشورة،فهى تخص كاتبها.

"ما يلفظ من قول الإ لديه رقيب عتيد"