الاثنين، 26 مارس، 2012

الامم المتحدة

اخبار اسيوط 26 مارس 2012

أسيوط دوت كوم- ياسر عبد العال- ساحل سليم


 
بيقولو الامم المتحدة دار كل شعوب الدنيا
تعال اطلب حقك و اتكلم بكل جرائة ولاتضيع ولا ثانية
سبت عيال واهلى ومالى وجريت عليها بكل ما فيا
قلت سلام لكل الاوطان اللى تامن بالحرية


بصو وشافو ومن جراحى خافو والدم بينزف من حوليه
قالوا انت مين وايه القضية

قلت انا الوطن العربى اللى دمى فى كل مكان سال زى الميه
انا فلسطين الحره الابية ولادى ماتو بالف وبالمية
والقاتل قاعد بينكم وبيضحك وبيقول دى تمسيليه
وجولان تعبان مشتاق يرجع بين اديه
وجنوب لبنان بيصرخ واطفالنا هما الفدائيه
وربيع عربى بمخالبه عمال ينهش فيه
والكل ساكت وبيتفرج ويقول دى بوادر الحرية
      فلتسقط  فلتسقط  فلتسقط  تلك الحرية

الحرية ياعم سام بقيت ستاركم علشان تنهشو فيه
سال دمى ويا دموعى وقلت فهمتو ايه القضية
انا مش قاصر ولا انا جاهل علشان تعلمونى الحرية
تاريخى وعلمى فى كل مكان ودينى نبع الحرية

ولادى بيموتو فى كل مكان و انتو تقولو حقوق الانسان
ارض وعرضى بيتهان وانا واقف من سكوتكم حيران
جيت اتكلم و اشكى وانا بتالم  والظلم فى جسمى معلم
قلت ياكوفى وقلت يامون انا انسان حقى مهضوم
ليه ساكتين ليه تايهين و عيونكم خايفه من مين
ومن قبلهم قالت يا غالى  ضاعت ارضى واهلى ومالى
ودخلت اجتماع ورا اجتماع وعرفت ان حقى ضاع
وقالولى احنا طلعنا ببيان علشان ماتكنشى زعلان
احنا بنشجب وبندد بكل تعدى على حقوق الانسان
اتارى كلامى كان عالفاضى ومفيش هنا مكان للغلبان

عمى سام وصاحبة سوسو رمين شباكهم فى كل مكان
لاجل مصالحهم مستعدين يقتلولو حتى الحيوان
لملمت جراحى وكل الامى وقلت لسه مابقليش بينكم مكان
مش باديكم ولا بكلامكم اصبح فى مكانى انسان
انا بتاريخى وعلمى وعزمى ولادى هحرر كل مكان
ان كانت غابت شمسى فى عهود الظلم والطغيان
فانتظرو فقريبا سوف تشرق شمسى فى كل الاوطان

0 التعليقات:

إرسال تعليق

تنبية هام:تشكر “أسيوط دوت كوم” تفاعل جمهورها الكريم مع خدمة التعليقات، وترجوهم عدم إضافة أي تعليق يمس أو يسيء للأديان والمقدسات، أو يحمل تجريحًا أو سبًا يخدش الحياء والذوق العام للأشخاص والمؤسسات.. وستضطر الإدارة آسفةً لحذف أي تعليق يخالف هذه الضوابط.وإدارة الموقع غير مسئولة عن التعليقات المنشورة،فهى تخص كاتبها.

"ما يلفظ من قول الإ لديه رقيب عتيد"