الجمعة، 2 ديسمبر 2011

محمد حمدي دسوقي لـ"اسيوط دوت كوم" : اتعرض لحملات تشويه من التيارات الدينية

اخبار اسيوط 2 ديسمبر 2011

أسيوط دوت كوم-عبد الراضي يونس

قال محمد حمدي دسوقي النائب السابق عن الحزب الوطني المنحل، والمرشح على مقعد العمال فى الدائرة الأولي بمحافظة أسيوط ، فى تصريحات خاصة لـ"أسيوط دوت كوم" بأنه يتعرض لحملة شرسة من مرشحي التيارات والأحزاب الدينية لإسقاطة شعبيا.
وأن حملات التشويه إشتدت فورإنتهاء فرز الأصوات، والإعلان عن جولة إعادة بينه وبين بيومى إسماعيل محمد مرشح الجماعة الاسلامية على نفس المقعد.

حيث تردد دعم الكنيسة له، في حين ينفي دسوقي ذلك مؤكدا ان الاصوات التي حصل عليها كانت من مسلميين ومسيحيين.
 

25 التعليقات:

غير معرف يقول...

حرام عيكم يا ناس محمد حمدى مش كده ابدا وكلنا عارفينه كويس ومن قبله والده الله يرحمه عمره مفرق بين حد مسلم ومسيحى الكل بيتخدم والله وربنا يشهد ومحدش يقولى ان الاحزاب دى ملائكة الرحمه اللى نزلت من السماء لشعب اسيوط المسكين لا ومصلش فيهم كتييييير اوى منظر بس يبقى اللى نعرفه احسن من اللى منعرفهوش

ايهاب حسنى يقول...

محمد حمدى الدسوقى انسان فاضل و محترم و يستحق الفوز فى الانتخابات عن جدارة .

غير معرف يقول...

الاخ محمد حمدى محدش يقدر ينكر خدماته لكل الناس الفقير قبل الغنى والمريض قبل السليم ودايمن كان معانه فى كل الاوقات اينما تطلبه تجده واوعه حد يقول ان حزب النور ولا الاخوان والعداله ملائكة الرحمات التى هبطت من السماء لشعب اسيوط الغلبان محصلش ومش هيحصل لان فيهم مندسين كتيييييييييييير من كل الاحزاب معنى كده ان العقل والمنطق والواقع بيقول محمد حمدى الدسوقى افضل بكتييييييييير من اى حد مع احترامنا للجميع طبعا والله محمد حمدى راجل محترم جدا جدا وخدوم لكل الناس وهذه شهادهلا يستطيع اى شخص ان ينكرها انما موضوع انه حزب وطنى سابق فنحن يهمنا الشخص ذاته وكمان مكنش اى وزير من السابقين بيمضى اى طلب لاى عضو غير الاعضاء بتوع الوطنى فقط يعنى كانت مصلحه لينا قبله وكمان محدش يقول ان كل الاحزاب الجديده النور ولا العداله ولا الاخوان انهم الملائكة التى هبطت من السماء لنجدة اهل وشعب اسيوط محصلش ومش ممكن طبعا يبقى محمد حمدى اللى مجربينه افضل بكتيير وهيبقى افضل واحسن من كده بعد ثورة يناير المباركه لان الشعب عرف ماله وما عليه وواجباته وربنا يكرمه ويكون صورتنا وصوتنا فى البرلمان الحر يا ري العالمين اخوكم احمد محمد على اسيوط الحمراء

غير معرف يقول...

الى كل شعب اسيوط بالنسبه لكل الاشاعات المغرضه اللى بتجرح فى الاخ محمد حمدى الدسوقى فياريت كل واحد يعرف ان ربنا هيساله عن كل كلمه قالها فى حق هذا الرجل آخذين بقوله تعالى مايلفظ من قولا الا لديه رقيب عتديد صدق الله العظيم وعلى العموم مهما قالوا وافتروا عليه كذبا كلنا عارفينه كويس جدا وحسبنا الله ونعم الوكيل وربنا يخلص حقه منهم واحنا كلنا معاه وهنختاره تانى وتانى لانه صوره مشرفه لكل اسيوط وخدماته محدش يقدر ينساها ربنا معاه يا رب العالمين واحنا معاك يا اخ محمد حمدى دسوقى وربنا معاك قبلينا وان شاء الله هتكون منورنا فى المجلس باذن الله لك خالص الدعوات من قلب كل مواطن من شعب اسيوط 0000اخوك احمد محمد على 00اسيوط الحمراء

غير معرف يقول...

معاك يا اخ محمد حمدى وقلوبنا وياك ومنقدرش ننساك ابدا اعمالك وخدماتك ومن قبلك الوالد الله يرحمه متتنسيش ومحفوره فى قلوب كل مواطن فى اسيوط وخارجها الله يسترك وينصرك يا اكرم الاكرمين يا رب العالمين

غير معرف يقول...

يا اخوانى موضوع موضوع محمد حمدى الدسوقى ليس له علاقه لا بكنيسه ولا جامع الموضوع كله ان الاعاده قربت وعاوزين يشوه صورته قدام الناس علشان يكسبه هم بس مش هيحصل لان بصمته موجوده فينا ومن قبله والده الله يرحمه مهما كان هو برده متربع على عرش قلوبنا بلا منازع وربنا هينصره باذن الله من عنده وهنشوف بعنينا 00000 اخوك احمد برى

غير معرف يقول...

والله ده رجل محترم والشيخ بيوم احنا منعرفوش

العدله والحريه الاجتماعيه يقول...

معلش محمد حمدى راجل محترم جدا ومفيش اى تعرض ليه من اى حد سواء كان من اى حزب لا النور ولا العداله والحريه متحولوش تششته

غير معرف يقول...

يا اخوانى واهلى شعب اسيوط الغلى الموضوع لاكنيسه ولا جامع ده كله تلفيق للاستاذ محمد حمدى الدسوقى وكلنا عارفين كده كويس ومحدش يقدر ينكر خدماته لكل الناس الفقير قبل الغنى والمريض قبل السليم وفى كمان حاجه لازم نعرفها ان الاحزاب دى كلها مش الملائكه التى هبطت من السماء لاهل اسيوط بل بالعكس فيها كتير مندسين من الوطنى نفسه ومن كل الفئات يعنى بشر اكيد منهم الصالح ومنهم الغير يبقى لو فكرنا صح محمد حمدى الدسوقى افضل واحسن لانى مجربينه كتيييير وخدماته لينا خير دليل واذا كان من الحزب الوطنى المنحل فلازم نعرف اصلا ان الحكومه السابقه مكنش اى وزير فيها بيمضى اى طلب لعضو برلمانى غير الوطنى فقط يبقى مش ذنبه دى اوضاع فرضت علينا قبليه وكلنا كنا فى غيابات الصمت عن كل اللى بيحصل مش اعضاء الوطنى فقط يبقى محمد الدسوقى افضل لو رجحنا العقل حتى لو كان فى منظور بعض الفئات انه كويس 70% اكيد مع الحكومه الجديده وبعد تطهير البلاد وبعد الثوره العظيمه 100% باذن الله وخصوصا ان العقول اتفتحت اوى وبقيت الافواه لا تصمت على غلط يعنى ربنا يوفقه ويكرمه يا رب ولازم نكون معاه ونشارك باصواتنا فى الاعاده وربنا يولى من يصلح 0000 احمد محمد على 000 الحمراء

غير معرف يقول...

هم لم يرشحو انفسهم لخدمه وطنهم ودينهم انما للحصول علي مكاسب شخصية واستخدام كلمة الدين كستار للحصول علي الأصوات وما يفعلوه الأن ليست من اخلاق الاسلام

.. لن انتخب من يحاول فرض سيطرته ويلغيني

محمد فهمي الزيدي يقول...

والله الاستاذ محمد حمدي الدسوقي شخصية لا غبار عليها والكل يعرف كده كويس وخدماته علي اهل دائرتة معروفة وظاهرة جدا لكل الناس ربنا يوفقه ويكرمه لخدمة اهل دائرتة وان شاء الله كل من تحدث عنه بالاسائة ومحاولة تشوية صورة هذا الرجل الشريف نظيف اليد ستنقلب علي من قام بها وان غدا لناظره لقريب

غير معرف يقول...

الى كل شعب اسيوط تاغالى لاتنسوا اخيكم وابن اسيوط البار محمد حمدى الدسوقى فى انتخبات الاعاده وربنا معاه ومش هنصدق كل الاشاعات المغرضه يا اخ محمد حمدى لان خدماتك واخلاقك مش محتجين دليل ولا يقبله اى شك ده كلام بقوله وربنا يشهد ان دى صورتك فى قلوب كل شعب اسيوط ومعاك من كل الناس مسيحى ومسلم كلنا بنرشحك للمجلس بقلوبنا قبل اى حاجه ولا يهمك من كل الكلام وعلى راى الشاعر لا تقذف بالاحجار غيرالاشجار المثمره 000 احنا هنا بنكلمك من الرياض من المملكه العربيه السعوديه الناس اهالى اسيوط كلهم عن بكرة ابيهم بيحلفه بيك وبخدماتك وربنا معاك وينصرك من عنده اخوك احمد محمد على

غير معرف يقول...

الفلول على حق هو عبدالمحسن صالح اللي مخدش غير 5 الاف صوت ( ولا تعليق )لكن الاستاذ محمد حمدي دسوقي فقد حصل بكل فخر وشرف على 109 الاف صوت والله يوفقه في الاعادة

غير معرف يقول...

يا عم اخلع من دماغنا وشوف لك شغلانه تاني تستفيد منها بسبوبة مع المخلوع بتاعك ان شاء الله كل الفلول الى زوال يا ايها الفل الصغير

غير معرف يقول...

محمد حمدى شخص زو خلق وادب لكنة فى الحقيقة هو محسوب من فلول الحزب المنحل لة ملة وعلية والنا الظاهر واللة يتولى اسرائر

جنى يقول...

السلام عليكم ورحمة الله وبركاته
اولا عايزة اقول ان مش كل اللى كانوا فى الحزب الوطنى ناس مش كويسة وعفوا احنا لو بصينا للنقطة دى هنلاقى فى كل بيت وكل شقة عضو مشترك ومستفاد من الحزب الوطنى سوا من رحلة ومعسكر او كورسات او حتى بطاقة عضوية ، فهل دا معناه ان احنا كمان من ضمن الفلول!!!
وبعدين نشوف مين المنافس دا ومش كل شعار دينى هنمشى وراه غميضين مش هقول فى بيومى حاجة غير اللى عايز يعرفه صح ينزل منطقته ويسأل الناس الكبيرة العقله عنه بحيادية!
وخلى بالكوا فى ناس مستخبية ورا الدين، وايه العبط دا كنيسة ايه وجامع ايه احنا عايزين اللى ينقظنا ويخدمنا كلنا وهيهمنى جارى المسيحى قبل اهل بيتى لان المصلحة واحدة فى الاخر كلنا بنمشى فى شارع واحد وبلد وحدة وقاعدين مع بعض فى كل مكان بطلوا بقى كلمة مسلم ومسيحى

غير معرف يقول...

والله يسلم لسانك يا جنى بصراحه كلامك مفيش بعده اى كلام ربنا يهدى الناس يا رب ويفتخ اعينهم للخير والصح يا رب العالمين 0000بس نتمنى ان محمد حمدى يفوز لانه راجل محترم جدا جدا ومكنش بيتاخر عن خدمة اى شخص وخصوصا الفقراء والغلابه ونتمنى ان كل الناس تعرف ان فى كتيييييير بيخده موضوع الدين والاحزاب ستاره يخدعه بيها الناس لازم نكون صحين جدا وكويس محمد حمدى الدسوقى معروف من زمان لينا ومن قبله والده الله يرحمه خدماتهم لينا محدش ينكرها ابدا ومحدش برده هيقدر مهما عمل يغير فكرتنا ابدا عن محمد حمدى الدسوقى لان افعاله مرئيه ومسموعه لكل الناس ويا رب يولى من يصلح ونتمنى محدش يجرح فى اى حد والناس ليها حق الاختيار طبعا
000000اللهم وفق الاخ محمد حمدى يارب وامدده بمدد من عندك وانصره بنصرك المبين

غير معرف يقول...

انا لم اخطئ بحق دسوقي بشكل شخصي ولكن الاعتراض على الفلسفة في الاداء يعني ايه فايدة شخص مسالم وعلى خلق ولكن طوال فترات الماضي ايام عبدالمحسن وعز والمخلوع كان يساند ويصفق للسياسات المشبوهة ولم يحرك ساكن ليبرهن على حسن نواياه ولو بالقول او الهمز واللمز وبعدين البرلمان مش تكية وتوريث ولازم نجرب ونعطي فرصة لناس جديدةذاقت المر والقهر فاكيد هيحسوا بالناس ويخافو على مصلحة البلد ايا كان توجههموعموما النهاردة الشعب هيعرف يفرق بين الصالح والطالح وهيقول كلمته مش زي زمان (موافقون--موافقون ووننتقل الى جدوا الاعمال)

غير معرف يقول...

ردا على جني .... طبعا كل اللي كانوا في الحزب الوطني سيئين ولو كان فيهم رجل او امرأة ذات جرأة وشجاعة كان هيقف في وجه الظلم والفساد او على الاقل مكنش هيشترك في هذه المهزلة التي تمت وكان ضحيتها انا وانت وكل شعب مص بل ومصر نفسها

غير معرف يقول...

الاستاذ محمد حمدي الدسوقي راجل محترم ولا غبار عليه ولكن ما تم نشره في الصحف ازعج كثير من الناس وكان يجب عليه تكذيب هذاالخبر واخيرا اذا كان الله اراد له الفوز فلا راد لامر الله

غير معرف يقول...

هو فعلا قال فى النيسة انا مسلم فى البطاقة لكنى مسيحى الفكر والتصرفات و كان بقول للناس الغلابة المش فهمة حاجة فى غرب البلد انتخبو الكتلة عشان دى بتضم احزاب المسلمين والمسيحين وده طبعا كدب و بعدين رجع قال انا مليش دعوة بالكتلة المصرية وتانى يوم اسمو نزل فى القوائم بتاعت الكتلة يبق ازاى اشعات ياناس شيلو غمامة العلى عنيكم والهى انو خدوم ده منظر وكذاب ابو كان خدوم وزوق لكن هو كذااااااااااب ومنافق وضد دينو بيحارب الاسلامين بالنصارة طيب ده حتى لو كسب وربنا سابو فى ضلالهه هتبقى اخرتو سودة مع ربنا وخلى المنصب يبفعو

غير معرف يقول...

تعيش وتاخد غيرها والى اللقاء فى جولات اخرى
حبيبك

غير معرف يقول...

تعليقا علي:
"غير معرف يقول...
هو فعلا قال فى النيسة انا مسلم فى البطاقة لكنى مسيحى الفكر والتصرفات و كان بقول للناس الغلابة المش فهمة حاجة فى غرب البلد انتخبو الكتلة عشان دى بتضم احزاب المسلمين والمسيحين وده طبعا كدب و بعدين رجع قال انا مليش دعوة بالكتلة المصرية وتانى يوم اسمو نزل فى القوائم بتاعت الكتلة يبق ازاى اشعات ياناس شيلو غمامة العلى عنيكم والهى انو خدوم ده منظر وكذاب ابو كان خدوم وزوق لكن هو كذااااااااااب ومنافق وضد دينو بيحارب الاسلامين بالنصارة طيب ده حتى لو كسب وربنا سابو فى ضلالهه هتبقى اخرتو سودة مع ربنا وخلى المنصب يبفعو"

انت اهبل؟ ولا بتقول اي كلام وخلاص ؟ لو كان المتحدث مجنون فالمستمع عاقل

غير معرف يقول...

يونس المصري
للاسف للجميع اقولها واعلي صوتي للجميع لان محمد حمدي ليس مثل والده وانا قبل مشكلتي مع العزبي وقبل خروجي خارج مصر لجاءت اليه وقال انه ليس له علاقة ولا يستطع مواجهة العزبي ولا اي قيادة في اسيوط
لماذا لا ادري ؟؟؟؟؟
محمد حمدي بتحليل لشعب اسيوط سماته اراد ان يلعب دور محمد عبد المحسن صالح في ان يرغم الكنيسة لاعطائه اصواتهم مثل كل مرة وانا اعلم جيدا ما كان يضبخ في الزمن القديم وباعترف بذلك - لكنه فشل لانه لم يحسبها هذا العام جيدا ولم يستشعر بانه مصر بتتغير وان عليه كسب اصوات الاسلام افضل من الكنيسة هذه الجولة لكنه لجاء زي كل مرة لهم وكما كان يفعل الاب والجد والاستاذ السابق لكن سابقا كان هناك ضغوط امنية جعلت الاخوان والاتجاة الاسلامي يعرقل كثيراً
والان قد ظهروا بعدما اصواتنا قد ملت في التغير في الحزب واستبعاد رجال الاعمال واستبعاد المنفاقين والاكتفاء بمن يحب الحزب فقط والنزول للشارع المصري ومعرفة ووضع ايدينا علي مشكلاته البسيطة التي تتلخص كلها في رغيف الخبز الغاز قرارات النقل الضرائب الكهرباء المياة جميعها مشكلات مفتعلة وباتصال واحد من القيادة الاكبر تذلل كل الصعاب
انا اعطيت صوتي للاخوان لاني نفسي اشوف البلد بشكل اخر بشكل لا يخاف الا الله
اتمني منهم التغير في كل المديريات التابعة لاسيوط وخاصة الفساد بالتربية والتعليم باسيوط
انا
يونس مصطفي يونس

غير معرف يقول...

كفي اشاعات وافتراء .. حسبي الله ونعم الوكيل

إرسال تعليق

تنبية هام:تشكر “أسيوط دوت كوم” تفاعل جمهورها الكريم مع خدمة التعليقات، وترجوهم عدم إضافة أي تعليق يمس أو يسيء للأديان والمقدسات، أو يحمل تجريحًا أو سبًا يخدش الحياء والذوق العام للأشخاص والمؤسسات.. وستضطر الإدارة آسفةً لحذف أي تعليق يخالف هذه الضوابط.وإدارة الموقع غير مسئولة عن التعليقات المنشورة،فهى تخص كاتبها.

"ما يلفظ من قول الإ لديه رقيب عتيد"