اخبار اسيوط 23 ابريل 2012
السعودية / نجران- مجدي عبد الحفيظ أبو أحمد
لحد امتي بعض الناس مش هتبطل استهبال ؟ تفشي الاستهبال والاستعباط لدرجة لا يمكن السكوت عنها
فانت تجتهد في اعداد تقرير في عملك وبمنتهي الاستهبال ينسب الي غيرك ؟ طبعا ده لوكان تقرير كويس وتكيل لك الانتقادات لو كان التقرير مش ولابد الولد بيستهبل علي ابوه وابوه بيستهبل علي امه وامه بتستهبل علي الاتنين ؟
لما ربنا يكرمك وتروح تشتري لك كيلو لحم الجزار يستهبل عليك ويحط لك دهن وعظم كتير ولما تعترض تلاقي واحد واقف ملوش دعوة بالموضوع يقول لك دي تخلي طعم الطبيخ حلو ؟ استهبال ياعم انت مال اهلك
وتلاقي كمان الكناس في الشارع بيستهبل يلم شوة ورق واكياس بلاستك طايره من الهوا ويسيب الزبالة زي ماهي .. مش هوه اللي بيستهبل الناس اللي بترمي اكياس الزبالة من البلكونات بص استهبال في استهبال
بلدنا مش هينصلح حالها غير لما نبطل استهبال
لحد امتي ؟ انا مش عاوز ازود في الامثلة الفكرة وصلت والي اللقاء في مقالة اخري.
ياعمى إنت بلاش إستهبال وأكتب لغة عربية سليمة .
ردحذفعلى فكرة اللي بيحصل ده يدل على إنعدام الضميير وضعف الدين الذى هو فى الأساس الرقيب على الإنسان وكما قيل (إذا لم تستح فأصنع ما شئت )
مبارك قتل عند الناس الاحساس بالمسئوليه
ردحذفوجعل الناس تتصرف مع الاشياء وكأن البلد مش بلدنا
غير انه قلل من البرامج الدينية الهادفه على تليفزيون الدولة
تعلم وتثقف الناس بان الدين المعاملة
ربنا يصلح احوالنا ، لان مصر العظيمة تسحق منا تكون اجمل البلاد
حنان عمار