23 فبراير 2011
أسيوط دوت كوم- هاني عبد اللطيف
 |
| القس داوود |
من موقع الجريمة ، أكد شهود العيان ان زوجة الأب داوود وابنته قد غادروا المنزل قبل أيام من وقوع الجريمة، وانهم حالياً فى مدينة الغردقة بمحافظة البحر الأحمر..
حيث أكدت المعلومات التى حصلت " أسيوط دوت كوم " عليها، الى ان أصابع الإتهام تشير الى عدد من الطلبة المقيمين بمنزل القس داوود، وان هناك خلاف حدث قبل يومين بين القس وبينهم بخصوص " امر خاص"، دفع بهؤلاء الطلبة إلى التخلص منه بقتلة، بعد ان علموا بان أسرة القس داوود قد غادرت المنزل..
من ناحية أخري ادنت قيادات محافظة أسيوط مسلمين وأقباط الحادث البشع، وطالبوا بسرعة ضبط الجناة والوقوف على دوافع إرتكابهم الجريمة، فى حين تجمع عدد من الأقباط للتنديد بتلك الحوادث التى تطال شعب أسيوط يوماً بعد يوم.
الجدير بالذكر أن القس داوود بطرس هو كاهن كنيسة قرية شطب، ، وان إكتشاف الجريمة جاء بعد أن قامت إبنته بالاتصال به منذ يومين ولم تجد اى رد من جانبة، فحاولت الاتصال بأحد أقاربها، الذى توجه على الفور إلى منزله، وحاول كسر الباب، فوجده غارقاً فى دماءه، ومصاباً بطعنه فى الرقبة والجنب.
وتبين من المعاينة أن جريمة القتل حدثت منذ يومين أو ثلاثة، ودلت تحريات المباحث الأولية أن تكون جريمة القتل حدثت بدافع السرقة
الجدير بالذكر أن القس داوود بطرس هو كاهن كنيسة قرية شطب، ، وان إكتشاف الجريمة جاء بعد أن قامت إبنته بالاتصال به منذ يومين ولم تجد اى رد من جانبة، فحاولت الاتصال بأحد أقاربها، الذى توجه على الفور إلى منزله، وحاول كسر الباب، فوجده غارقاً فى دماءه، ومصاباً بطعنه فى الرقبة والجنب.
وتبين من المعاينة أن جريمة القتل حدثت منذ يومين أو ثلاثة، ودلت تحريات المباحث الأولية أن تكون جريمة القتل حدثت بدافع السرقة
فية مظاهرت والشارع خربان
ردحذفدلوقتى بيلفوا فريال
وشغالين هتافات
بالروح والدم نفديك يا صليب
يا جماعة عايزة اقولكم حاجة انا ابويا كاهن وموجود هناك دلوقتى واخويا ومكانش فى اى امن هناك ولا جيش ولا اى مسؤول بيألفوا كلام انهم اتوجهوا لمكان الحادث وهم اساسا كانوا خايفين يدخلوا لا الشباب يضربوهم فين امنك يا مصر
ردحذفباسم المسلمين جميعا في محافظة أسيوط أدين هذا الحادث الأليم ، وأرجو من الجميع الهدوء لمعرفة الجاني الحقيقي ويجب أن نعلم ان وحدتنا الوطنية مستهدفة وأن هناك أصابع خفية تعبث بهذه الوحدة وتريد للشعب المصري الانقسام على نفسه في هذا الوقت بالذات، وأنا لا أستبعد أن يكون المدبر لهذا الحادث أحد بقايا النظام السابق الذي يريد إشغال الناس بأي شيء غير المطالبة بمحاكمة المفسدين وتعقبهم ، وربنا يكشفهم ويفضهم بإذن الله
ردحذففعلا انا اخويا هناك وبيقول مافيش امن خالص وها دلوقتي بيلفو في شوارع اسيوط بعربيه الاسعاف والمظاهرات شغاله
ردحذفانا مسلمه و اعزى جميع الاخوه الاقباط و اقول لنا جميعا ان فلول النظام السابق هى السبب التى تريدنا نشغل عن محاسبتهم و كشف فسادهم. نحن المصرين اذكى من ذلك و لن ينالوا منا ابدا.
ردحذفانت بتقول
ردحذفوتبين من المعاينة أن جريمة القتل حدثت منذ يومين أو ثلاثة، ودلت تحريات المباحث الأولية أن تكون جريمة القتل حدثت بدافع السرقة
طب ازاي .... ده كاهن يعني ولا صاحب محلات دهب ولامدير بنك
انتقام الرب قريب
يا جماعه كفايه من الكلام الي زهقنا منه ده قبل كده برضو قالو اصابع خفيه في القديسين وطلع الناس الي ماسكه البلد هي الي عملت كده كفايه كلام مالهوش لازمه محدش هيحس بالي احنا فيه ابدا وربنا مايوري حد الي احنا فيه من ظلم واضطهاد طول عمرنا احنا عارفين ان حقنا هيرجع بس مش علي الارض هيرجع بس في السما
ردحذفكفايه كلام مالهوش لازمه تاني اصابع خفيه زي القديسين صح وطلع الي ماسكين البلد هما الي عملوها كفايه كلام فاضي تعبنه منه طول عمرنا
ردحذفكفاية كدة مرة مختل عقليا ومرة ايادى خفية ومرة ماجورين وبعدين تطلعوا ندين وندين وندين ارحمونا
ردحذفممكن تكون الجريمة بدافع السرقة مع انى مش مقتنع بالكلام ده بس اللى هيسرق ولقى ان ابونا كشفه هيضربه لحد ما يفقد الوعى ويسرق اللى عايزه لكن انه يكون مدبوح ...... لا انا اسف ده غل ومقصود مش مجرد سرقة عادية واكيد ابونا ربنا ينيح نفسه اتعرف على المجرم قبل ما يدبحه وشافه علشان كده دبحه ..... ده اذا كانت فعلا سرقة ولا ايه؟؟؟؟؟
ردحذفلوفى حد من اسيوط يقولنا على التفاصيل حاليا وشكرا
ردحذفالامور حاليا هادئة لان واضح ان كان فيه اعداء وخلافات مع القس وده اللى خلى الناس بدأت تتعقل وتفهم ان ده موضوع شخصى بين القس وبين الجانى
ردحذفياجماعة فيه خبر على اسيوط دوت كوم من شوية بيقول ان فيه عسكرى امن مركزى ادبح فى مركز ساحل سليم اثناء الخدمة بتاعتة وان زمايله عاملين قلق
ردحذفيا جماعة دى مش اول جريمة حصلت فى اسيوط دى 3 عمليه دبح الاول استاذ حماية صايغ والثانى سائق تاكسى والثالث القس داوود وربنا يستر ومتبقاش البقية تأتى
ردحذفرغم ان الواحد زعلان على اللى بيموتو ..لكن ده ما يخلناش ننسي نشكر القائمين على موقع اسيوط دوت كوم وده فعلا موقع محترم واخباره صحيحة وسريعة وبيعرفنى كل اللى بيحصل فى اسيوط لحظة بلحظة استمروربنا يوفقكم
ردحذفياشيخ اتنيل بستين الف نيلة
ردحذفسرقة اية و طلبة اية
طريقة الذبح هي هي الطريقة اللي اندبح بيها جواهرجي مسيحي من اسبوع في اسيوط
شوشفو مين اللي ورا القصة دي
المظاهرات فى كل مكااااااااااااااااان فى اسيوط هيمشوا وراه لغاية مستشفى القصر العينى هيطلعوا اذن الدفن وهيمشوا متهيالى بس على الله يعطلوا تصريح الدفن تبقى مصيبتهم كبيره
ردحذفانا عاوز اطلع مظاهرة واقول( يااااااارب) بس وهوة قادرعلى كل شيء
ردحذفياااااااااارب
ردحذفياجماعه خلاف ايه بس اللي بتقولوا عليه دا راجل محبوب من كل اللي حواليه ومفيش خلاف بينه وبين حد بلاش نقعد نطلع كلام واشاعات ونقعد نبرر اللي حصل اهم حاجه دلوقتي ان اللي عملوا الجريمه البشعه دي وجريمة الراجل الجواهرجي اللي هو مات واتقتل بنفس الطريقه انهم يتمسكوا ويتحكموا اللي بيحصل ده زي مايكون شئ مخطط ومدبر اسيوط يكاد يكون مفيهاش امن اصلن
ردحذفداوود بطرس
ردحذفأتقدم بخالص العزاء لأهل الفقيد ولإخواننا المسيحيين جميعا وربنا يظهر الحق وينتقم من القاتل الظالم
ردحذفأفضل ألا أدين أحد حتى الانتهاء من التحقيقات
وربنا يحفظ البلاد والعباد من شر يراد لها
يا جدعااااااااااان دا مقصود طبعا طيب ليه مكنش صاحب محل الدهب مسلم وليه الضربة بتاعت القديسين مجتش فى جامع دا الاخوان عايزيين يمسكوها ودا بعدهم احنا كلنا هنطلع بطاقات انتخاب وهنقول بصوتنا
ردحذفانتبهوا يا ولاد مصر لبلدكم وامنا الغالية مصر المحروسة ولازم يتم القبض على الجناة ومحاكمتهم وفى اسرع وقت ونشر الحقيقية وياريت بسرعة
ردحذفاولا عزائي لااسرته وللاخوه اقباط مصر
ردحذفياريت ياجماعة محدش يتكلم في موضوع دا او يدلي برأيه حتى لا تُثار الفتنة علي اعتبار انها فتنة واذكركم بأن الفتنة اشد من القتل ونترك التحقيق وإظهار الحقائق للقضاء المصري المحترم وعلي من لديه معلومات حقيقية عليه التوجه للنيابة للإدلء باقوله ولا يذكرها علي النت او مع اصدقاؤه او في اي مكان حفاظاً علي السرية ونرجو ان تكون التحقيقات سريعة لعدم استثارة الناس وعلي وكيل النيابة المختص بالتحقيق الكشف عن حقيقة الحادث عند الانتهاء من التحقيق ... مع كل إحترامي وتقديري لكل الناس
ربـــــــــــــنــــامــــوجــــود
ردحذفوالله ياجماعة بعد الى حصل يوم 25 الى هبحولو يعملوه فى مصر هو الفتنة الطائفية
ردحذفمش عارف ابدء ازاى أو اقول أيه كل اللى ع لسانى لماذا يارب تقف بعيدناً جداً ولا تدافع عنا لماذا الاشرار يمتلكون الارض ويقتلون ابناءك بس برجع واقول الرب نورى وخلاصى ممن أخاف الرب ناصر حياتى ممن اجزع فهو الرب واقف عن يمين فلا أتزعزع الرب ملجى لى وقوة فهو خيراً لى لذلك أتكل عليه فى كل أمور حياتى .أنا بشكر أخواتى المسلمين ع شعورهم دا بس عايز أقولهم حاجه بجد لو كان دا شيخ كان أيه شعوركم بلاش أنتم هقول المتطرفين كانوا أول حاجه قامو بحرق الكنايس وقتل كل من يجدونه أمامهم من قبطى . أما لما تحصل حاجه عندينى تشتغل المسكنات ويطلع شباب زيكم وشيوخ ومسؤلين أحنا بندين هذه الجريمه طب وبعدين ايه الحل كل مرة زى كدا ناس تموت من عندين والمسكنات تطلع عايز أجابه واضحه ومن شعورك انت الداخلى لو حصل حاجه معاك وتخصك وتخص دينك يا ...... مش قادر أقولها يا أخويا المسلم يا عايش معى فى نفس البلد يلى ليك حقوق وانا معرفش عنها حاجه يلى علينا واجبات وبتتنفذ عليا قبل متكون عليك وارجع واقول قول رب المجد لينا لا تخاف ممن يقتل الجسد بل بالحرى خاف ممن له سلطان ان يقتل الجسد واروح معنا ويلقى بهم فى جهنم وثقو أنا قد غلبت العالم كفااااااااايه كدااا علشان أنا بجد تعبت .
ردحذفبصراحة يا جماعة فى حد مستفاد من حدوث فتنة بين المسلمين والمسيحين وانا بوجه عزائى لكل اخوانى المسيحين
ردحذفعايزين ننظم وقفه صامتة بالشموع يوم الاحد قدام كنيسة الملاك ميخائيل في اسيوط الساعه السادسة مساء
ردحذفالسلام عليكم
ردحذفاختكم مروة من ابوتيج
اولا انا مقدرة جدا احساسكم الغتالى وبعزيكم فى الفقيد وربنا سبحانه وتعالى يظهر الحق قريب يا رب عشان الحقيقة تبان.
ثانيا ليا طلب عندكم ياجماعة ممكن نفكر بالعقل والمنطف ونسأل نفسنا سؤال واحد ليه متقتلش مسيحى واحد او اضرب مسيحى واحد طول ايام الثورة وكانت الفرصة اكبر واعظم وساعتهخا هتكون ضربة زايغة ومحدش هياخد باله يا جماعة بفكركم انكم كنتوا بتحموا تالمصلين ف ميدان التحرير وبفكركوا انكم طلعتو معانا المظاهرات بالرغم من صدور طلب من الكنيسة انكم متطلعوش عارفين ليه لاننا مصريين ووالله العظيم اللى بيحرك الفتنة بينا عايزنا نمسك ف بعض ويكسب هو .
ارجوكم فكروا ان ذيول النظام لسه موجودة
انا بجد مضايق جدا على هيبة الشرطه اللى ضاعت، يا جماعة مش معنى ان الشرطه تكون كويسه تضيع هيبتها، كلنا محتاجين نرجع هيبة الشرطه و نساعدهم انهم ياخدوا اماكنهم و يتواجدوا بقوة اكبر قدام الكنائس و فى الشوارع والمرور، من المفروض عدد الشرطه يتضاعف عن ما كانت عليه قبل الثورة خاصة فى هذه الايام، ياريت وزير الداخليه ياخد باله من الكنائس و يرجع ليها حراشة اقوى من زمان و عربيات امن توقف بجوارها، خاصة الايام ديه
ردحذفطيب ليه مايكونش كالعادة محاولة للتفريق بين المسيحيين والمسلمين عمولوا كدة كتيييييييير قوى واخرها القديسين ورغم كدة مانجحوش عايزين يصرفونا عن الحدث الاكبر اللى شغال فى مصر عشان نقع فى فتنة طائفية تانى ويقولوا للعالم الخارجى اهم المصريين متفرقين ومبارك هو اللى كان لامم الشمل صح
ردحذفياريت ننتظر انتهاء التحقيقات ، وبلاش التعليقات السخيفة من اى واحد متعصب ، لأن اللى بيحصل ده مصيبة على البلد وخصوصاً على أسيوط بالذات حيث أن المستفيدين من ذلك وهم معروفون "جسم وذيول النظام البائد" قد إختاروا فى هذا التوقيت محافظة أسيوط الهادئة لتاريخها مع الإخوان ، ودى سبحة وها تكر ، يعنى النظام القديم سوف يستغل عدم توافر الأمن فى تخريب البلد فيجب أن نكون يقظين ومتحدين وبلاش التعليقات التافهة ، وانشاء الله! ألنصر لشعب مصر
ردحذفبلاش
ردحذف