الخميس، 23 أغسطس 2012

ازالة 1600 حالة تعدى وإجراءات لانشاء مخابز مليونية ورفع 16 طن قمامة ومخلفات صلبة و12 الف مخالفة مرورية فى اسيوط

اخبار اسيوط 23 أغسطس 2012

 أسيوط دوت كوم- عمر كمال


بذلت محافظة اسيوط جهودا كبيرة من خلال اجهزتها التنفيذية والتنسيق مع الاجهزة المعنية بالمحافظة من اجل انجاز خطوات ملموسة فى برنامج المائة يوم الاولى لرئيس الجمهورية فى حل مشكلات القضايا الخمس الاولى التى اعطاها رئيس الجمهورية الاولوية والممثلة فى ( الخبز والامن والنظافة والمرور وازالة التعديات )



ومن ثم قام اللواء السيد البرعى محافظ اسيوط بالتشديد على كافة المسئولين فى جميع المواقع على ان يكون الشغل الشاغل لهم هو اتخاذ الخطوات الجادة لتحقيق جهود ملموسة وانجاز ما يشعر المواطن معه بتحسن فى الخدمات المقدمه له .


ففى مجال النظافة على ارض محافظة أسيوط وعلى الرغم من الإضرابات المتكررة لعمال النظافة والذين يطالبون بتثبيتهم  قامت المحافظة بالتعاون مع الجماعات الإسلامية والاخوان المسلمين والفرق التطوعية بجهود وأعمال نظافة غير عادية شملت العديد من المناطق الشعبية والرئيسية ولا تزال  أعمال النظافة مستمرة بمراكز وقرى المحافظة وشاركت اسيوط بجدية فى مبادرة وطن نظيف التى اعلنها الرئيس ونجحت فى رفع الاف الاطنان من القمامة والمخلفات الصلبة وبقايا عمليات البناء .


كما تم تشكيل لجنة عليا للتجميل والنظافة والحفاظ على البيئة على مستوى المحافظة ولجان فرعية بكل مركز و تم إنشاء مدافن صحية بباطن الجبل الغربي لدفن المخلفات الخطرة وأخرى لخدمة لقرى مير والمنشاة الكبرى والزرابي (القرى الأكثر احتياجاً) كما تم إنشاء 8 محارق للنفايات لخدمة المحافظة .


وتم الاستفادة من مصنع تدوير القمامة ومصنع السماد بالمحافظة لاستيعاب كميات القمامة التى تم تجميعها من شوارع ومراكز المحافظة وجارى إنشاء مصنعين أخرين بالمحافظة وتمت الاستعانة بأكبر اسطول لسيارات الكنس الالى على مستوى محافظات الصعيد بلغ  17 سيارة كنس آلى لخدمة شوارع المحافظة والأحياء والمدن . وفيما يخص قضية الخبز فقد تم اتخاذ العديد من الاجراءات السريعة والتى من شانها ايصال الخبز لمستحقيه ومنع الاختناقات والتزاحم على المخابز و تم تعديل مواعيد المخابز لتتناسب مع احتياجات المواطنين وتشغيل لجان للإشراف على المخابز وتوفير الخبز للمواطنين وتكثيف الحملات لضمان وصول الدعم لمستحقيه وتم إنشاء غرفة عمليات بالمديرية لتلقى اى شكاوى من المواطنين والعمل على حلها وتم زيادة حصص بعض المخابز ذات الكثافة العالية وإنتاج الحصة خبز وتوزيعها للمواطنين. وجارى اتخاذ العديد من الاجراءات والتنسيق مع الوزارات المختصة لزيادة حصة المحافظة من الدقيق البلدي 82% والدقيق الطباقى 76% لإمكانية فتح مخابز بلدية وطباقى فى الأماكن المحرومة من المخابز.


 ونظرا لان نصيب الفرد من الخبز فى محافظة أسيوط اقل من واحد ونصف رغيف للفرد يومى و ان محافظة أسيوط من المحافظات الفقيرة فقد تم اتخاذ الاجراءات الجادة لإنشاء مخبزين  مليونىين لرفع نصيب الفرد فى المنطقة والمناطق المجاورة لهم الى اثنين ونصف رغيف حيث  تم الحصول على موافقة  رئيس مجلس الوزراء  على اقامة خمسة مخابز مليونية بالمحافظة ومنهم مخبزين  على وجه السرعة وهم مخبز بناحية منطقة الصفا الصناعية " ببنى غالب " بمركز أسيوط وأخر بالمنطقة الصناعية "بعرب العوامر " بمركز ابنوب بتكلفة تتجاوز40  مليون جنيها . وبالنسبة للتعديات على الارض الزراعية فقد بلغت جملة التعديات 2397 بجملة مساحة 7 س 17ط 82 ف وهى فى زيادة مستمرة ولكن حرض السيد الوزير محافظ اسيوط على ازالة هذه التعديات بالتعاون مع مديرية الزراعة باسيوط وبالتنسيق مع قوات الامن وقوات المنطقة الجنوبية العسكرية اذا لزم الامر


حيث تم ازالة العديد من التعديات بحى غرب اسيوط وبمراكز اسيوط ومنفلوط وديروط بلغت 1612 حالة تعدى مابين تعديات على اراضى زراعية واراضى املاك دولة حدثت خلال عملية تنفيذها العديد من المشاحنات والمشاجرات بين الامن والاهالى ولكن تصدى قوات الشرطة للمتجاوزين حال دون تفاقم الامور فى الكثير من الحالات وجارى تنفيذ العديد من قرارات الازالة والتى صدرت احكام بشانها . اما فى مجال المرور فقد ساهمت جهود ادارة المرور باسيوط فى تقليل الزحام المرورى من خلال تحقيق الانضباط بتحريرها العديد من المخالفات المرورية التى وصلت الى اكثر من 12 الف مخالفة مرورية وسحب تراخيص اكثر من 65 سيارة ملاكى مخالفة لشروط ترخيصها .

هناك 7 تعليقات:

  1. طيب كده حلو قوى وصلنا الاحنا عاوزينه حملات لازاله التعدى على املاك الدوله طيب تعالى شوف حى غرب شارع الخضريه اولااااا سيد فاروق مسامير هدم منزل من دورين فى وسط الميدان اوعى تقول انه فى زقاق محدش شايفه لع دة فى وسط الميدان ميدان الخضريه هدم المنزل بالرغم من ان المحل الفى هذا المنزل يخص قصر يتامى واخذ من الشارع ووصل ميه ونور ومجارى بلغوا المسئولين عن حى غرب قبل مايحفر الاساس اتبلغ ولا حد هنا فين المسئول عن النور والمسئول عن المجارى فين المسئول عن ايهه ولا ايهه ياعم تعالى شوف الحاصل والجارىواخد من الشارع وياعم يامسئول في هايه تعالى شوف

    ردحذف
  2. عاوز اعرف حاجه ربنا لايسيئك ولو سمحت ياستاذ يامسئول رد على لوسمحت هو يبقى فيه امر ازاله من اول الاساس ومحدش يسأل لغايه الدور السادس ولا احنا بنسمع عن كلام وبث لراجل يبنى وطالع عن خط التنظيم واجر محلات ودخل النور والميه والمجاري وجار على جيرانه بلاش جيرانه ارض الحكومه ياسلام المسئول عن حى غرب شارع الحضريه والبانى سيد مسامير المسئول عرف ويقول واخد ازاله طيب سايبه لغايه ماطلع الدور السادس ليه هو انسان واصل بالشكل دة يسلام لما تلاقى واحد واضع شويه جرجير وفجل عشان يجيب رغيف عيش حاف بيتعمل فيه ايه

    ردحذف
  3. وصلنا للمطلوب تعال ابقى شوفوا حى غرب شارع الخضريه ايه الحاصل من محل الخردة لسيد فاروق مسامير من اول الساعة الواحدة ظهرا الو نصف الليليل بالرغم من صاروخ تقطيع الحديد الى مخلفات كل شئ تكره العين تراه والمسئول عن حى غرب ولا هو هنا تكلم شئون البيئه يقولك تعال واكتب شكوى امال انت شغلتك ايه يامسئول فينك ليه احنا نكلمك ما انت تشوف شوغلك المفروض الميقدرش على المسئوليه يسيبها لغيرة

    ردحذف
  4. يا مسئول عن التعليقات هى التعليقات الاحنا بنكتبها بتقرأ من ناحيه حى شارع الخضريه ولا ايه عشان احنا بنحرق فى دمنا ونكتب ومش حاثين بنتيجه احنا ماصدقنا ولقينا باب ونفرط عن الوجعنا فى حياتنا اليوميه احنا مش طالبين صدقه احنا طالبين حقوقنا وعاوزين كل مسئول يشوف شغله ولى يخجل من انه يشوف شغله يتركه لغيرة ولا لع الكلام ده مايزعلش تعالى شوف محل الخردة لسيد فاروق مسامير عامل ايه من الساعه الواحدة ظهرا الى نصف الليل صواريخ تقطيع الحديد والتهار عربات الكاروا والمساء وجميع انواع الخردة اللى العين تكره النظر ليهاوعلى فكره لو حمله نزلت شارع الخضريه وحد سمع بيها المحل يقفله ويرش ميه ويكنس امامه ياريت لما تتطلع حمله محدش يعرف وتكون سريه والله ينوبكم ثواب فى الناس العاوزة تعيش لع تحى حياة كريمه

    ردحذف
  5. ياراجل الراجل خارج عن خط التنظيم يبنى يدخل ميه يوصل نور يوصل مجارى يبنى من غير رخصه اغلب الناس بنت من غير رخصه ولاكن فى حقه المسئول يقول واخد امر ازالة يروح يسيبه لما يطلع الدور السادس طيب بالزمه لوواحد بياع شويه طماطم ولاشويه فجل بالحلال ايه اليتعمل فيه ابقى سلملى على امر الازاله

    ردحذف
  6. ايق سلم على امر الازاله لسيد فاروق مسامسر شارع الخضريه الراجل خارج عن خط التنظيم يبنى يدخل ميه يوصل نور يوصل مجارى يبنى من غير رخصه اغلب الناس بنت من غير رخصه ولاكن فى حقه المسئول يقول واخد امر ازالة يروح يسيبه لما يطلع الدور السادس طيب بالزمه لوواحد بياع شويه طماطم ولاشويه فجل بالحلال ايه اليتعمل فيه ابقى سلملى على امر الازاله

    ردحذف
  7. ياعم يامسئول عن شئون البيئه لما نتصل بيك بالتليفون ونبلغ عن حال شارع الخضريه والعامله فيه محل الخردة سيد فاروق مسامير تقول تعالوا واكتبوا شكوه امال انتو شغلتكم ايه وكمان يقول بلغوا شئون البيئه فى حى غرب ولما هما مايعملوش شئ يبقى تيجوا هنا وتكتبوا شكوى ليه كله ده اما انت شغلتك ايه ياعم اصحى وقوم شوف شغلك النهردة دنيا بكرة اخره وسلملى على المسئول ياعم ياستاذ

    ردحذف

تنبية هام:تشكر “أسيوط دوت كوم” تفاعل جمهورها الكريم مع خدمة التعليقات، وترجوهم عدم إضافة أي تعليق يمس أو يسيء للأديان والمقدسات، أو يحمل تجريحًا أو سبًا يخدش الحياء والذوق العام للأشخاص والمؤسسات.. وستضطر الإدارة آسفةً لحذف أي تعليق يخالف هذه الضوابط.وإدارة الموقع غير مسئولة عن التعليقات المنشورة،فهى تخص كاتبها.

"ما يلفظ من قول الإ لديه رقيب عتيد"