الخميس، 22 ديسمبر 2011

إلي ضباط شرطة اسيوط: استمتعوا بشرب البيبسي وأكل الشيبسي ..وتحسسوا مسدساتكم التى لم تطلق نيرانها الا على الشرفاء

اخبار اسيوط 22 ديسمبر 2011 

أسيوط دوت كوم- محمود الجندي

وكأن ضباط شرطة اسيوط توفاهم الله، او اصابتهم صاعقة من السماء، فمنذ ثلاث ساعات او يزيد قطع عشرات البلطجية طريق اسيوط الجديدة ،


وقاموا بتكسير عدد من السيارات رفض اصحابها دفع إتاوة المرور من الطريق.


البلطجية ادعوا وفاة طفلة تدعي نورا اشرف فى حادث سيارة ، وان تكرار حوادث السير وراء تجمهرهم وقطعهم الطريق ، لكن الحقيقة والتى رواها شهود عيان لأسيوط دوت كوم تقول غير ذلك.

فالبلطجية خرجوا حاميلن البنادق الألية ومسدسات الخرطوش ، وقطعوا الطريق قبل مدخل قرية الفيما بعدة أمتار، بل وفرضوا اتاوات على السيارات المارة على الطريق المؤدي الى مدينة اسيوط الجديدة وطريق البحر الأحمر والقاهرة سوهاج الصحراوي الشرقي، وكان جزاء من رفضو الدفع تحطيم سياراتهم على رؤوسهم، واضطر البعض للعودة الى مدينة اسيوط خوفا من تعرضهم لاعمال السلب والنهب.

من العيب ان نقول ان هؤلاء اصحاب حق، ففرض الاتاوات وترويع المواطنين ليس من سبل التعبير والاحتجاج.

ضباط شرطة اسيوط ، هنيئا لكم نومكم العميق .. ودعوا البلطجية والمجرمين والخارجين عن القانون يعيثون فسادا فى اسيوط ، ولا عتاب او لوما عليكم ،فقد فعلها كبيركم الذى علمكم السحر.

دعوا الطرق ترزح تحت وطأة اللصوص والبلطجية..واستمتعوا بشرب البيبسي وأكل الشيبسي ، وتحسسوا مسدساتكم التى لم تطلق نيرانها الا على الشرفاء .

هناك 14 تعليقًا:

  1. ديه حادثةناتجةعن قطع اهالى قرية الفيمةللطريق لحدوث وفاةطفلةفى حادث سيارةبطلو كدب وفبركة

    ردحذف
  2. مقال رائع وعنوانه جميل تسلم ايدك

    ردحذف
  3. والله شوف راى ان جهاز الشرطه ده بيخدم نفسه فقط ومرات الباشا وعيال الباشا فقط وسيارات الشرطه التى هيا ملك للشعب بس هنقول ايه الطبع غلاب للاسف ومش ممكن اللى عاش بثوب الباشا راح والباشا جاى هيقدر يتكيف مع الوضع بعد الثوره ودلوكت بيسبوها عايمه وخربانه عشان نقول عاوزينهم تانى ويتشرطه علينا تانى للاسف والله محد خلى البلطجيه فى اسيوط ياخد حقهم ويبهدله فى الناس غير ضباط المباحثفى اقسام الشرطه لان كانوا بيشغلوهم لحسابهم مرشدين وسيبنهم يبهدله فى خلق الله نظير يجيبلهم قضايا يظهره بيها قدام المجتمع وقام الوزاره انهم شغالين على قدما وساق والكل عارف كده كمان للاسف سيارات كل البشاوات بتوع الشرطه لوحاتها المعدنيه ملعوب فيها ومتغر ارقام او طمس بعض الارقام كمان الزجاج مفيم ومعتم تماما وللاسف الداخليه ساكته وكلنا بنشوف سياراتهم الخاصه كذلك ومحدش غير حاجه للاسف حتى بعد الثوره بل ازيدكم من الشعر بيتا نصف سيارات معالى بشاوات الشرطه فى اسيوط الخاصه سيارات معوقين اصلا وجايبنها باسم واحد معاق نظير مبلغ وبرده ده معروف نتمنى من الله ان معالى السيد وزير الداخليه يشوف حل فى هذا التجاوزات ولا القانون يطبق على كل الناس معاده بشاوات الداخليه

    ردحذف
  4. ارجوك يا استاذ محمود رئيس التحرير تدينه فرصه نعبر ونطلع المستخبى لان كده الكيل طفح من معالى البشاوات بتوع الداخليه وربنا يريحنا منهم خالص

    ردحذف
  5. نتمنى يا استاذ محمود الجندى توصل صوتنا وتشارك معنا فى حسم امور بشاوات الشرطه فى اسيوط لانها زادت عن حدها اوى ويا ريت تنشر وتبحث عن موضع السيارات الخاصه لمعالى البشاوات بتوع الشرطه اللى كلها لوحتها متغير ارقامها ومحطوط نسر عليها عمدا لتخويف البشر وطمس بعض الارقام هل هذا عدل يا اخ محمود كمان معظم سيارات بشاوات الشرطه بتاعت معوقين مشيرينها باسمهم من المنطقه الحره...كمان كل سيارات البشاوات الخاصه متظلله الزجاج تماما هل هذا مسموح ولا هما فوق القانون يا ريت حد يعرفنا.... اتمنى من الله انك تساعدنا فى وقف هذه التجاوزات ونوقفهم عند حدهم وان القانون فوق الجميع ولك الف شكر يا اخ محمود

    ردحذف
  6. اخى الكريم لم يكن هناك بلطجية اواتاوات وانما كان التجمهر وذلك على خلفية مصرع طفلة بالصف السادس الابتدائى تدعى نورا أشرف عايد غالى عقب عودتها من مدرستها.
    وتم عمل مطب صناعى وانفرجت المشكلة
    مصطفى من الفيما

    ردحذف
  7. لا ياباشاياللى بتقول ما كانش فيه حاجة... انا من سكان اسيوط الجديدة وكان هناك فرض اتاوات على اتوبيسات المدينة والاتوبيسات كانت بتعدى من سكة زراعية بعيدا عن الطريق الرئيسى خوفا من التعرض لاطلاق الرصاص..

    ردحذف
  8. مقااااااال راااائع وعنوانه جميل وعندك حق فيه .... الامير عبد المجيد اسيوط الجديده

    ردحذف
  9. الناس اللى بتقول كدب ومتفبرك وان مكانش فى فلوس بتتاخد من اى عربيه تعدى انا شاهد عيان على ده لانى كنت راكب فى اتوبيس مدينه اسيوط الجديده وطلعو ناس باسلحه وقفو الاتوبيس وخدو فلوس من السواق وسابونا نعدى

    ردحذف
  10. يااستاذ محمود الجندى رئيس التحرير بعد تحياتى نرجوا من حضرتك طرح هذه الفكره لدى معالى مدير امن اسيوط وادارة مرور اسيوط ان نخلى ارقام ولوحات معدنيه خاصه للسيارات بتاعت المعوقين حتى لايستطيع اى شخص ان يقوم بشرائها او قيادتها وهو ليس معوق وبذلك نكون قد اغلقنا بعض الابواب على بشاوات الشرطه فى شراء هذه السيارات من المعاقين نظير مبلغ مالى وكذلك غير بشاوات الشرطه.... نتمنى من الله طرح هذه الفكره لدى الجهات المختصه لان نصف سيارات اسيوط اللى راكبينها مش موعقين مع انها سيارات معوقين يتم شرائها منهم نظير مبلغ ولك الف شكر0000

    ردحذف
  11. انا من مستخدمي طريق اسيوط الجديد لم ارى بعيني موضوع الاتاوات ولكن الطريق اصبح الان لا يطاق المطبات اتعملت بطريقة بشعة سوف تسبب الكثير من الحوادث بالاضافة الى تكسير السيارات

    اين الاشراف الفني من المرور والمحافظة انتظروا كوارثر مرورية على الطريق

    ردحذف
  12. ارجو من المحرر الدقة في الخبر فانا مدرس في مدرسة الفيما وفعلا حدثت حادثة مقتل الطفلة التي صدمتها سيارة عند مدخل الفيما

    ردحذف
  13. ايوه يا باشا فعلا حصلت حادثة عند الفيما لكن كمان كان فيه قطع للطريق وفرض اتاوات على خلفية الحادثة دى.

    ردحذف
  14. يا عزيزى الصورة دى لاتخص شرطة اسيوط لانهم لايرتدون الزى العسكرى الاسود ولكن يرتدوى الزى الكاكى نتمنى المصدقيه للموقع

    ردحذف

تنبية هام:تشكر “أسيوط دوت كوم” تفاعل جمهورها الكريم مع خدمة التعليقات، وترجوهم عدم إضافة أي تعليق يمس أو يسيء للأديان والمقدسات، أو يحمل تجريحًا أو سبًا يخدش الحياء والذوق العام للأشخاص والمؤسسات.. وستضطر الإدارة آسفةً لحذف أي تعليق يخالف هذه الضوابط.وإدارة الموقع غير مسئولة عن التعليقات المنشورة،فهى تخص كاتبها.

"ما يلفظ من قول الإ لديه رقيب عتيد"